Nickelodeon Asia Tenggara
Nickelodeon | |
---|---|
![]() | |
Diluncuraké | 1 April 1979 |
Sing duwé | MTV Networks (Viacom) |
Saluran afiliasi | -TV Land-Nick 2-Nick GAS-MTV-VH1-Nicktoons Network-Noggin/The N |
Situs web | http://www.nick.com |
Nickelodeon (dikenal uga Nick) ya iku jaringan TV kabel mirunggan kanggo tayangan anak-anak lan praremaja, nanging uga muter program kanggo bocah enom sajeroning blok acara TEENick. Ing awalé amung kasedia ing Amérikah Sarékat, nanging saiki wis kasedia ing pira-pira nagara kaya Asia Tenggara, Jepang, Australia, Selandia Baru, Britania Raya, Skandinavia, Éropa Barat, lan Amérika Latin.[1]
Nicktoons
[besut | besut sumber]Nickelodeon wiwit produksi program kanggo blok acara Nicktoons nalika 1 Agustus 1991, dimulai kanti Doug. Nalika waktu kang ing, Rugrats lan Ren & Stimpy uga ditayangaké. Program-program mau ing lumrahé kaloka, nanging Ren & Stimpy ora diterusaké ing 1996; Rugrats tetep ditayangaké amarga rating kang terus mundhak. Sebanjuré acara kaya ta Hey Arnold!, The Angry Beavers, SpongeBob SquarePants, lan Wow! Wow! Wubbzy!, digawé lan cukup kaloka, nanging kaya sadurungé, ora diterusaké pira-pira taun, kajaba Wow! Wow! Wubbzy!.
Nalika wulan Mèi taun 1999, Nickelodeon ngenalaké acarané kang paling kaloka, SpongeBob SquarePants. Acara animasi iki dadi kesenengan anak-anak lan wong diwasa ing sekabéhané dunya, kadol milyaran barang kang ngandung unsur acara iki, lan dadi icon budaya pop. Banjur Nicktoons muter uga The Adventures of Jimmy Neutron: Boy Genius, Invader ZIM, The Fairly OddParents lan Danny Phantom..
Nick at Nite
[besut | besut sumber]Nick at Nite ya iku blok acara kang dimulai nalika Juli 1985 ing Nickelodeon saka jam tayang utama nganti subuh. Ing permulaané muter program-program klasik kaya ta The Donna Reed Show, Mr. Ed, My Three Sons, The Alfred Hitchcock Hour lan Route 66. Ahir-ahir blok acara iki uga muter pira-pira sitkom saka taun 1970an, 1980an, lan 1990an, kayat The Cosby Show, Roseanne, Full House, A Different World, lan The Fresh Prince of Bel Air. Nick at Nite uga produksi program dhéwé kaya ta Fatherhood (animasi andhedhasar buku karya Bill Cosby) lan Hi-Jinks. Blok acara iki dikenal kanti Nick Comedy ing Nick Jerman. Ing pertengahan akir 1990an, acara kaya I Love Lucy, The Mary Tyler Moore Show, lan acara-acara kang saiki digiyaraké ing TV Land bityèn ditayangaké ing Nick at Nite.
Nick Jr.
[besut | besut sumber]Ing akir 1980an, program-program ing wektu awan ing mligi kanggo penonton kang umuré isih énom. Ing 1994, salah sijiné blok acara disiapaké, lan dijenengi Nick Jr. Sakdawané taun, blok acara iki nayangaké acara kayat Pinwheel, Bob the Builder, Blue's Clues, lan Dora the Explorer. Nick Jr. tetep ditayangaké ing Nickelodeon nganti saiki.
Jaringan internasional
[besut | besut sumber]Ing jaba Amérikah Sarékat, Nickelodeon uga kasedia ing Afrika Selatan, Argentina, Australia, Bangladesh, Walanda, Bèlgi, Bolivia, Brasil, Britania Raya, Chili, Dhènemarken, Ekuador, El Salvador, Filipina, Guatemala, Honduras, Hong Kong, Honggari, India, Irlandia, Israèl, Indonésia, Jepang, Jerman, Kazakhstan, Kolombia, Koréa Kidul, Costa Rica, Malta, Malaysia, Meksiko, Nurwègen, Pakistan, Panama, Perancis, Peru, Portugal, Republik Dominika, Romania, Ruslan, Selandia Baru, Singapura, Spanyol, Sri Lanka, Swèdhen, Turki, Uruguay, lan Venezuela. Nickelodeon didegake ing Britania Raya ing 1 September 1993. Ing Britania Raya uga ditambah knti saluran tambahan kang karan Nick Junior.
Asia Tenggara
[besut | besut sumber]Nalika 11 Oktober 2006, Viacom liwat MTV Networks Asia Pasifik nyiapke salah sijiné unit anyar kanggo ngemunah Nickelodeon Asia Tenggara kang basisé ing Singapura.[2] Nickelodeon diluncuraké ing Singapura lan ngembangaké layanané ing Asia Tenggara lan Polinesia. Ing wektu iki, Nickelodeon Filipina lan Nickelodeon India wiwit beroperasi dewe. Website anyar Nicksplat.com diluncuraké nalika 2003.
Cathetan sikil
[besut | besut sumber]- ↑ www.nick.com, (Kaunduh 15/2/13).
- ↑ MTV Networks Asia Pasifik mengumumkan struktur baru untuk meningkatkan strategi lokalisasinya Viacom, 11 Oktober 2006